Santa María del Villarreko markesa
(Diego Quiroga y Losada)
Diego Quiroga y Losada (Madril, 1880 – Donostia, 1976), Santa María del Villar markes gisa ezaguna, XX. mendeko espainiar argazkigintzako pertsonaiarik garrantzitsuenetakoa izan zen. Gaztaroan sortutako zaletasun hura bizitza osoko grina eta ogibide bihurtu zen azkenean.
1899an Madrilgo Real Sociedad Fotografica elkartearen sortzaileetako bat izanda, bere garaiko joera artistikoen eraginpean garatu zituen bere lehendabiziko lanak. Alfontso XIII.a erregearen lagun pertsonala izanik, irudiaren bidez Espainiako turismoaren sustapenari egindako ekarpen goiztiarragatik ere nabarmendu zen, herrialdeko lurralde ugaritako paisaiak, monumentuak eta bizimoduak erretratatuz.
Espainiako Gerra Zibila bitartean gatazkaren ondorioak dokumentatu zituen, eta, ondoren, Suntsitutako Eskualdeen Zuzendaritza Nagusiak bultzatutako berreraikitze-lanak. Bere argazki-artxiboaren zati handi bat galdu zuen arren, jarduera profesional bizia garatzen jarraitu zuen. Ordutik aurrera, bere lanak izaera dokumental eta etnografiko nabarmenagoa hartu zuen, eguneroko bizitza, kultura-ondarea eta herri tradizioak ardatz hartuta. Espainiako zati handi bat zeharkatu zuen hainbat erakunde publikorekin elkarlanean eta bere garaiko gizartearen ikusizko lekukotasun baliotsua utziz.
Nafarroako Errege Artxibo Nagusian gordetako funtsak egileak egindako 14.000 argazki eta negatibo baino gehiago biltzen ditu. Bere irudiek Espainiako paisaia-, kultura- eta giza-aniztasunaren kronika bisual paregabea osatzen dute, Nafarroari arreta berezia emanez. Bildumak landa-bizitzako eszenak, monumentuak, paisaiak eta jarduera tradizionalak biltzen ditu, baita dokumentazio pertsonala, argitalpenak eta prentsa-ebakinak ere, haren ibilbidea eta ondarea hobeto ezagutzea ahalbidetzen dutenak.
Diego Quiroga y Losada, Santa María del Villarreko markesa, bere emazte María Dolores Valdés Palavicinorekin batera.
FOT_MVILLAR_N_03936
Tobalinako haranean nagusi den haitzaren gainean eraikitako Friasko gaztelua (Burgos).
FOT_MVILLAR_N_01118
Atzean Txindoki mendia duen Larraitzeko baserria, Abaltzisketan (Gipuzkoa).
FOT_MVILLAR_N_03057
Donostiako kaiko portua eta pasealekua (Gipuzkoa).
FOT_MVILLAR_N_03195
Baztan bailarako Arraiozko Zubiria dorretxea.
FOT_MVILLAR_N_02459
Kantabriako Villacarriedoko San Martin eliza.
FOT_MVILLAR_N_00932
Avilako Santo Tomás monasterioan aurkitzen den Joan infante jaunaren panteoia.
FOT_MVILLAR_N_01061
Gironako Agullanatarren jauregi gotiko errenazentista.
FOT_MVILLAR_N_01403
Nafarroako errege-erreginen egoitza izandako Erriberriko Errege Jauregiaren hondakinak, zaharberritu aurretik.
FOT_MVILLAR_N_02763
Espainiako Gerra Zibila garaian Aragoiko frontean suntsitutako Panzer IV tankea.
FOT_MVILLAR_N_00019
Espainiako Gerra Zibila garaian lur-zakuekin babestutako Madrilgo Errege Antzokia.
FOT_MVILLAR_N_00043
Espainiako Gerra Zibila garaian Teruelgo Auzitegiko Jauregiaren suntsiketa. Atzealdean, katedralaren dorrea.
FOT_MVILLAR_N_00022
Espainiako Gerra Zibila garaian Villarrealen (Castelló) suntsitutako plaza Nagusia eta San Jaime elizaren dorrea.
FOT_MVILLAR_N_02385
Nekazaria iruten Portinachen, Eivissan.
FOT_MVILLAR_N_03623
Emakumeak arrantza-sareak konpontzen Mallorcan.
FOT_MVILLAR_N_03764
Gari-jotzea Etxarri Aranatzen, Nafarroan.
FOT_MVILLAR_N_04204
Mahats-bilketa Erriberrin, Nafarroan.
FOT_MVILLAR_N_04253
Nafarroako Erronkari ibarreko artzaina.
FOT_MVILLAR_N_04301